“Azərbaycanda Hüquq Müdafiəçisinin İşi” adlı fotosərgi təşkil olunacaq
15 Mart 2013 16:12 (UTC+04:00)
Mövqe.az xəbər verir ki, Azərbaycan İnsan Hüquqları Evinin (AİHE)
tərəfdaş təşkilatlarından biri olan Rasional İnkişaf uğrunda
Qadınlar Cəmiyyəti (RİQC) 18-19 mart tarixində Xətai Sənət
Mərkəzində "Azərbaycanda Hüquq Müdafiəçisinin İşi" adlı
fotosərgi təşkil olunacaq. Təşəbbüs Azərbaycan İnsan Hüquqları
Evinin bağlanmasının 2 illiyinə həsr olunur. Tədbirdə Azərbaycan
hüquq müdafiəçiləri və QHT fəallarının əzmkar və davamlı
fəaliyyətini əks etdirən foto şəkillər sərgilənəcəkdir. Sərginin
rəsmi açılış mərasimi saat 11.00-dan 12.30-dək Xətai Sənət
Mərkəzinin (ünvan: Xocalı prospekti 40G) 3-cü mərtəbəsində baş
verəcəkdir. Sərgidə azərbaycan-ingilis dilində ardıcıl tərcümə
təmin ediləcəkdir. Sərgi Avropa Komissiyası və Norveç XİN-nin
maliyyə dəstəyi ilə İnsan Hüquqları Evi Şəbəkəsi tərəfindən həyata
keçirilən "Azərbaycanda Hüquq Müdafiəçilərinə Dəstək" adlı layihə
çərçivəsində təşkil olunur.