Astronomlar Mars planetində indiyədək naməlum olan 8 buzlaq aşkarlayıblar. Tapılan buzlaqlarçoxsaylı laylardan ibarətdir. Onların tədqiqatı Marsın iqlim tarixi barədə daha müfəssəl məlumatlar əldə etməyə imkan verəcək.
Movqe.az milli.az-a istinadən bildirir ki, ABŞ-ın Aviasiya və Kosmik Tədqiqatlar Agentliyinin alimləri "NASA Mars Reconnaissance Orbiter" planetlərarası stansiyadakı HiRISE kamerası ilə çəkilmiş fotoları təhlil ediblər.
Bu zaman onlar eroziya nəticəsində buzlaqların göründüyü 8 sahə aşkarlayıblar.
Bəzi buzlaqların qalınlığı 100 metrdən artıqdır.
Həmin sahələr 55 dərəcəyədək maililiyi olan, orta enliklərdə yerləşən yamaclardır. Kraterlərin olmaması buzlaqların bu yaxınlarda yarandığını göstərir.
Buzlaqlar 2 metr qalınlığında toz təbəqəsi ilə örtülüb.