Kişmişin hansı faydaları var?
24 Mart 2013 13:56 (UTC+04:00)
Xüsusi üzüm növündən hazırlanan bu çərəz növünün bir çox faydalı
xüsusiyyətləri var. Tərkibi A, B1,B2, B3 vitaminləri, retinol,
kalsium, kalium, natrium, dəmir,mis, maqnezium, bor və amin
turşularıyla zəngindir.
Kişmiş A vitamini ilə zəngin olduğuna görə, gözlərə yaxşı təsir
göstərir. Tərkibində olan bor beyin funksiyalarını gücləndirir,
maqnezium isə, sümük və sinir hüceyrələrini, ürək döyüntüsünü
tənzimləyir. Tərkibindəki dəmirin zənginliyi sayəsində qanazlığına
güclü təsir göstərir.
Kişmiş saçların uzanması üçün vacib vitaminlərlə zəngin olmaqla
yanaşı yaşlanmağın qarşısını alır, siqaret və içkinin zərərli
təsirini azaldır. Bir çox orqanlara, əsasən də qaraciyərə
faydalıdır. Qara ciyərin və həzm prosesinin aktiv fəaliyyət
göstərməsinə kömək edir, qəbizliyi aradan qaldırır. Antioksidant
xüsusiyyətlərə malik olan kişmiş xərçəngə qarşı da mübarizə
aparır.
Kişmiş yaddaşı möhkəmləndirir, cinsi fəaliyyəti artırır. O,
sinəni yumşaldır, bəlğəmi aradan qaldırır.
Yüksək qida dəyəri olan kişmiş uşaqların inkişafına müsbət təsir
göstərir, kökəlmək istəyənlər üçün faydalıdır. 50 qram kişmiş
insanın gün ərzində enerjiyə olan tələbatını ödəyə bilər.