PYD və YPG terrorçuları Türkiyənin Mardin vilayəti ilə sərhəddə, Suriyanın şimalında yerləşən əl-Qamışlı yaşayış məntəqəsini tərk edirlər.
Movqe.az Trend-ə istinadən xəbər verir ki, bu barədə Türkiyə KİV-ləri hərbi kəşfiyyatdakı mənbəyə istinadən yazır.
Məlumata əsasən, artıq ikinci gündür ki terrorçuların bölmələrinin şəhəri tərk etdiyi və cənub istiqamətində geri çəkildiyi müşahidə olunur.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD və YPG terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.