Altı yaşı sentyabrın 16-dan dekabrın 31-dək tamam olan, xüsusi istedadı ilə fərqlənən uşaqların valideynlərinin (qanuni nümayəndələrinin) elektron ərizələrinin qeydiyyatı Bakı Şəhəri üzrə Təhsil İdarəsinin (BŞTİ) tabeliyindəki ümumtəhsil müəssisələrinə fevralın 22-dən iyunun 20-dək aparılacaq.
Movqe.az xəbər verir ki, BŞTİ-dən AZƏRTAC-a bildiriblər ki, Gəncə şəhər Təhsil İdarəsinin, Sumqayıt şəhər Təhsil Şöbəsinin və Abşeron rayon Təhsil Şöbəsinin tabeliyindəki ümumtəhsil müəssisələrinə qeydiyyat isə martın 12-dən iyunun 20-dək aparılacaq.
“Xüsusi istedada malik uşaqların vaxtından əvvəl birinci sinfə qəbulu Qaydaları”na əsasən, altı yaşı tamam olmayan uşaqların birinci sinfə qəbulu iyun-iyul aylarında müsahibə üsulu ilə həyata keçiriləcək.