İstirahət gönləri respublika yollarında baş vermiş yol nəqliyyat hadisələri nəticəsində 6 nəfər dünyasını dəyişib. Baş Dövlət Yol Polisi İdarəsindən Movqe.az-a verilən məlumata görə, şənbə günü ölkə ərazisində 11 yol qəzası qeydə alınıb. Bu qəzalar nəticəsində 2 nəfər ölüb, 26 nəfər isə yaralanıb. Təkcə Bakı şəhərinin Sabunçu rayononu ərazisində, Bakıxanov qəsəbəsində 131 saylı xətt üzrə hərəkət edən "10-TG-938" nömrə nişanlı"İSUZU" markalı avtobusun aşması nəticəsində 13 nəfər yaralanıb.
Bazar günü isə ölkə yollarında 10 yol qəzası baş verib. Bu qəzalar 4 nəfərin həyatına son qoyub. Daha 10 nəfər isə müxtəlif dərəcəli bədən xəsarəti alıb.