“Azərsun Holdinq”in “Zeytun bağları” markası yeni layihəyə start verdi
2 Aprel 2013 17:23 (UTC+04:00)
Azərbaycanın təbii sərvəti olan zeytun ağaclarının mühafizəsi ilə
bağlı "Azərsun Holdinq"in "Zeytun bağları" markası yeni layihə
həyata keçirəcək.Layihə ilə bağlı keçirilən mətbuat konfransında
şirkətlər qrupunun İctimaiyyətlə Əlaqələr və Biznesin İnkişafına
Dəstək Departamentinin müdiri Afiq Səfərov, başlayan aksiyanın əsas
məqsədinin Abşeron yarımadasında bitən zeytun ağaclarına diqqətin
daha da artması olduğunu bildirib.
Bakının bütün rayonlarında üç ay müddətində mərhələlərlə
keçiriləcək aksiyanın Ekologiya və Təbii sərvətlər nazirliyinin,
Bakı şəhər İcra hakimiyyətinin müvafiq idarələrinin və
qeyri-hökumət təşkilatlarının könüllüləri ilə keçiriləcəyi nəzərdə
tutulur. Layihəyə ilk olaraq Nizami rayonunda start veriləcəyini
bildirən Afiq Səfərov "Zeytun bağları" markasının Azərbaycan
zeytununun qoruyucusuna, himayəçisinə çevriləcəyini qeyd etdi.
Keçirilən mətbuat konfransında media nümayəndələrin suallarını
cavablandıran holdinqin İctimaiyyətlə Əlaqələr və Biznesin
İnkişafına Dəstək Departamentinin müdiri A. Səfərov son zamanlar
bəzi mətbuat orqanlarında Azərsun Holdinqin idarə heyətinin sədri
Abdolbari Goozalın "Milyarderlər ittifaqı" ilə əlaqəyə can atması
barədə yayılmış informasiyaya da təkzib etdi. Səslənən suala
açıqlama verən şirkət rəsmisi qeyd etdi ki: "Abdolbari Goozalin
Heydər Əliyevə və onun müəyyənləşdirdiyi yola sadiq oadamdır.
Abdolbari Goozalı tanıyan insanlar yaxşı bilirlər ki, o xeyriyyəçi
iş adamı olmazdan qabaq, sadiq insandır. Abdolbari Goozalın
Azərbaycanda fəaliyyət göstərməsi ulu öndər Heydər Əliyevlə olan
sadiq dostluğunun nəticəsidir. Onun işgüzar təcrübəsi, gücü imkan
verir ki, dünyanın istənilən nöqtəsində öz biznes fəaliyyətini
qursun və genişləndirsin. Amma əqidəli insan öz dostuna həmişə
sadiq qalır və Abdolbari Goozal da həmişə ulu öndər Heydər Əliyevi
rəhmətlə, məhəbbətlə xatırlayır. Heydər Əliyev yolundan dönmək
Abdolbari Goozal əlifbasında yoxdur. Başda idarə heyətinin sədrimiz
Abdolbari Goozal olmaqla "Azərsun Holdinq" ailəsi Heydər Əliyev
irsinə sadiqdir və qarşıdakı prezident seçkilərində də bu sədaqət
özünü göstərəcək. "Azərsun Holdinq"in ətrafında birləşən insanlar
zəhmətkeş, əliqabarlı, halal çörək qazanan təbəqədir. Belə
insanların verəcəyi səs, hansısa milyarderin verəcəyi səsdən cənab
Prezident İlham Əliyev üçün daha önəmlidir. Məqalə kiçik bir
təxəyyülün məhsuludur. Mən həmin məqaləni oxumuşam. Orada bizim
dırnaq arası həmkarımız yazıb ki, Abdolbari Goozal "Milyarderlər
ittifaqı" ilə əlaqəyə can atır və əlaqələr axtarır ki, ittifaqın
rəhbəri Söyün Sadıqov ilə görüşsün. Bir az insafsız yazılıb, heç
olmasa Vladimir Putin yazardı, bir az inandırıcı olardı. Bəli, ola
bilsin ki, hansısa Azərbaycanın dövlət maraqlarının müdafiəsi
baxımından Abdolbari Goozal Putin ilə görüşə can atar, amma dünən
peyda olan bir insanla Abdoolbari Goozalın görüşə can atması
gülüncdür və kiçik bir təxəyyülün məhsulu olduğu da yazıda özünü
büruzə verir".