Bakının məşhur gecə klubunda əməliyyat
keçirilməsi ilə bağlı xəbər vermişdik. Milli.Az əməkdaşı da klubun
olduğu yerə baş çəkib. Bir vaxtlar çal-çağırı ilə seçilən klubdan
əsər-əlamət qalmayıb. Klubun qarşısındakı şüşəli sahə götürülüb,
qapısı isə bağlanıb. Klubun içərisində olan avadanlıqlar, yumşaq
oturacaqlar isə bir tərəfə toplanmış vəziyyətdə olub.
Salondakı stolların üzərində yemək və içkilərin yarımçıq qalması oradakı müştərilərin klubu atıb qaçmasından xəbər verir.
Klubun bütün reklam işıqlandırmaları sökülüb. Yaxınlıqda yerləşən kafenin əşyaları da yük maşını ilə daşınırdı.
Fotolar "Mamounia"da baş verənləri olduğu kimi
göstərir.
12:02
Hadisə şahidlərindən biri Milli.Az-a deyib ki, əməliyyat keçirilən
vaxt həmin gecə klubunda böyük qaçaqaç düşüb. Klubun bayır
tərəfində 10-dan artıq qız və oğlan qaçaraq canlarını qurtarmağa
çalışıblar. Üzeyir Hacıbəyov küçəsində hərə bir tərəfə
qaçırmış.
---------
10:15
"Mamounia" klubunun xanım inzibatçısı Milli.Az-a açıqlamasında
hadisənin necə baş verməsini danışıb:
"Gəlib dedilər ki, göstəriş var, klub sökülməlidir. Bizi bayıra
çıxarıb ağır texnika ilə klubu sökməyə başladılar. Biz 3-4
buldozerin qarşısını necə ala bilərdik?"
Klub inzibatçısı orada fahişəxana və qumarxana olması ilə bağlı
deyilənlərə də münasibət bildirib: "Burada heç bir əxlaqsız
hərəkətlər olmurdu. Buraya gələnlər imkanlı adamlar olub.
Deyilənlər hamısı yalandır".
-----------
09:50
Hadisə şahidlərinin Milli.Az-a verdikləri məlumata görə, Səbail
rayonu, Üzeyir Hacıbəyov küçəsində yerləşən "Mamounia" gecə
klubunun fəaliyyəti dayandırılıb və dağıdılıb.
Səbail Rayon Polis İdarəsindən Milli.Az-a bildirildi ki, ötən gecə "Momounia"da iki böyük əməliyyat keçirilib.
Orada yerləşən qumarxanada Bakı Şəhər Baş Polis İdarəsi, fahişəxanada isə Səbail Rayon Polis İdarəsinin 39-cu polis bölməsi tərəfindən keçirilən əməliyyat zamanı bir neçə nəfər saxlanılıb.