Məşhədə gedən sərnişin qatarı relsdən çıxıb

11 Aprel 2013 12:13 (UTC+04:00)

Movqe.az məlumat verir ki, İranda Tehran-Məşhəd istiqamətində hərəkət edən sərnişin qatarı relsdən çıxıb. Rəsmi məlumata görə, qəza nəticəsində sərnişinlərdən xəsarət alan olmayıb. Onların mənzil başına digər nəqliyyat vasitələri ilə daşındığı bildirilir. Qeyd edək ki, hadisə nəticəsində ölkənin şimal-şərq istiqaməti ilə hərəkət edən qatarların gediş-gəlişi tamamilə dayandırılıb. Qəzanın nəticələrinin iki gün ərzində aradan qaldırılacağı ehtimal edilir.