Son günlər yağan yağışlar nəticəsində sürüşmə zonalarında ciddi aktivləşmə qeydə alınmayıb
18 Aprel 2013 12:03 (UTC+04:00)
Son günlər ölkə ərazisində müşahidə olunan yağışlı hava şəraiti
sürüşmə zonalarına hər hansı mənfi təsir göstərməyib. Bu
barədə APA-ya açıqlamasında
Ekologiya və Təbii Sərvətlər Nazirliyinin Kompleks Hidrogeologiya
və Mühəndis Geologiyası Ekspedisiyasının rəisi Bəxtiyar
Qaralovməlumat verib. O bildirib ki, ölkə ərazisində yağışlar yeni
başlayıb və hələlik sürüşmə zonalarında ciddi hal aşkarlanmayıb:
"Mövcud vəziyyətlə əlaqədar olaraq nazirlik tərəfindən sürüşmə
zonalarında mütəmadi monitorinqlər aparılır. Aparılan monitorinqlər
nəticəsində də həmin ərazilərdə aktivləşmə qeydə alınmayıb".