Movqe.az axşam.az-a istinadən xəbər verir ki, bu sözləri aparıcı Azər Axşam "Gündən günə" proqramında deyib. O, son günlər haqqında yayılan xəbərlərdən danışıb:
"Sosial şəbəkədə səhifə açılıb və mənimlə bağlı xəbərlər dərc edirlər. Polisə müraciət edəcəm. Onu yazıb dərc edənləri və eyni zamanda şərhlərin sahiblərini məhkəməyə verəcəm. Təzminat tələb edəcəm. Rəy bildirməyə ixtiyarınız yoxdur. Mənim necə ata, insan olduğumu bilmədən o sözləri yazmaq olmaz.
Ailəli adamam, sevdiyim həyat yoldaşım var. Kiçik oğlumla böyük arasındakı münasibətləri qoruyub saxlayıram. Deyirəm, bu onun, o bunun anasıdır, hörmət edin. Sülhsevər, mehribançılıq xoşlayan adamam. "Birinci həyat yoldaşımı məhkəməyə verib, 21 yaşlı oğlumu ondan alacam" iddiası gülməlidir".