Tələbə Qəbulu üzrə Dövlət Komissiyası aprelin 25–də Bakı
şəhəri 53 saylı orta ümumtəhsil müəssisəsində keçirilən monitorinq
imtahanı zamanı bəzi əməkdaşlarının döyülməsi xəbərinə aydınlıq
gətirib. TQDK-dan Movqe.az-a verilən məlumata görə, aprelin
25–də Bakı şəhəri 53 saylı orta ümumtəhsil müəssisəsində keçirilən
monitorinq imtahanı zamanıbəzi kütləvi informasiya vasitələrində
həqiqətə uyğun olmayan məlumatlar yayılıb.TQDK bununla əlaqədar
olaraq bildirir ki, Bakı şəhəri Yasamal rayonu 53 saylı orta
ümumtəhsil müəssisəsində aprelin 25-də fizika fənni üzrə keçirilən
monitorinq imtahanında XI sinif şagirdlərindən bir neçəsi imtahanın
gedişinə mane olaraq intizamsız hərəkətlər ediblər. Bu, imtahan
rəhbəri tərəfindən tənbehlə qarşılanmış və onlara sərt şəkildə
xəbərdarlıq edilib. İmtahan rəhbərinin sərt reaksiyası şagirdlər
tərəfindən kobudluqla qarşılanıb. İmtahan prosesinin təlimata uyğun
qaydada aparılmasını təmin etmək mümkün olub. Qeyd edirik ki,
Komissiya nümayəndələrinin döyülməsi və guya imtahan zamanı hicablı
şagirdə geyiminə görə irad bildirilməsi ilə bağlı əvvəlcə sosial
şəbəkələrdə, daha sonra KİV-də yayılmış şayiə xarakterli
məlumatların heç bir əsası yoxdur. xatırladaq ki, Avropa.info
saytında dərc olunan xəbərdə qalmaqalın yaranmasına səbəb kimi TQDK
nümayəndələrinin 11-ci sinifdə oxuyan hicablı qızdan hicabı
açmasını tələb etdiyi göstərilib: "Hicablı şagird soyuqqanlılıqla
"açmıram" deyib. Bunu görən və pərt olan həmin TQDK nümayəndəsi
sinif qarşısında "yüz oyundan çıxırlar, sonra da başlarını
bağlayırlar" deyərək qızı təhqir edib. Dərsdən sonra sinif
oğlanları məktəbin həyətinə yığılıb həmin şəxsləri döyüblər.
Məktəbdə hay-küy qopub".