Dörd uşaq atasını özünü meyxanayaçıya görə yandırdı
27 Aprel 2013 17:10 (UTC+04:00)
Bakı şəhərinin Sabunçu rayonu ərazisində dəhşətli
intihar hadisəsi baş verib. Rayon Prokurorluğundan
Lent.az-a verilən məlumata görə, Maştağa qəsəbə sakini Mehdi
Nəsirov üstünə yandırıcı neft məhsulu tökərək özünə od vurub.
Xəstəxanaya yerləşdirilən M.Nəsirov orada ölüb.
Hadisənin səbəbləri məlum deyil. Faktla əlaqədar araşdırmalar
aparılır.
***
Bakıda üzərinə benzin tökərək od vurmuş şəxsin ölümündə meyxana izi
ortaya çıxıb. Sabunçu Rayon Prokurorluğundan Milli.Az-a verilən
məlumata görə, Maştağa qəsəbəsində özünü dəhşətli şəkildə öldürmüş
32 yaşlı Mehdi Nəsirov hadisədən əvvəl Azərbaycanın faciəvi şəkildə
həyatdan getmiş məşhur meyxana ustasının videosuna baxıb. Dörd uşaq
atası olan Mehdi hadisədən əvvəl Bakıda özünü yandıraraq öldürən
Məşədi Babanın meyxanalarına baxıb. Sonra isə "öləndə də Məşədi
Baba kimi ölmək lazımdır" deyərək özünə od vurub. Ağır vəziyyətdə
xəstəxanaya çatdırılsa da, orada dünyasını dəyişib.
M.Nəsirov cəmi 3-4 ay əvvəl azadlığa buraxılıbmış. Qonşusunu
bıçaqladığına görə məhkumluq həyatı yaşayan Mehdi sərxoşluq etməklə
gününü keçirirmiş.
şərh yaz