Bu gün Qax rayonunda baş verən yol qəzasında bölgənin tanınmış müğənnilərindən olan Mehriban Mustafayevanın faciəvi şəkildə ölməsi barədə məlumat vermişdik.
Movqe.az Şimal bölgəsində məşhur olan və regional telekanallara tez-tez qonaq kimi dəvət edilən müğənninin bəzi fotolarını təqdim edir.
qeyd edək ki, hadisə bu gün günorta saatlarında Zaqatala-Qax avtomobil yolunun rayonun Qum kəndi ərazisindən keçən hissəsində qeydə alınıb.
Belə ki, "VAZ-21015" markalı avtomobil yoldan çıxaraq ağaca çırpılıb. Nəticədə avtomobildə olan sərnişin - 1980-ci il təvəllüdlü Mehriban Natiq qızı Mustafayeva hadisə yerində ölüb. Sürücü, 1979-cu il təvəllüdlü Polad Mahmud oğlu Məmmədov və digər iki sərnişin müxtəlif dərəcəli bədən xəsarətləri ilə Qax Rayon Mərkəzi Xəstəxanasına yerləşdirilib.
Qeyd edək ki, mərhum M.Mustafayeva uzun illərdir şimal-qərb bölgəsində müğənni kimi fəaliyyət göstərirdi.
Faktla bağlı araşdırma aparılır.