Şəmkirdə 4 yaşlı qız bədbəxt hadisə nəticəsində ölüb

15 May 2019 12:29 (UTC+04:00)

Şəmkir rayonunda 4 yaşlı qız bədbəxt hadisə nəticəsində ölüb.

"Report"un Qərb Mərkəzinin məlumatına görə, hadisə rayonun Şiştəpə kəndi ərazisində baş verib.

Belə ki, həmin kəndin sakini, 2015-ci il təvəllüdlü Aslanova Damla turnikdən sallanan zaman qəfildən turnik sınıb və üzərinə düşüb. Yaxınları tərəfindən Şəmkir Rayon Mərkəzi Xəstəxanasına aparılıb və cərrahiyyə əməliyyatına alınıb. Lakin onun həyatını xilas etmək mümkün olmayıb.

Faktla bağlı araşdırmalara başlanılıb.