Qara Qarayev prospektində yol nişanları quraşdırıldı: Tıxac olmayacaq (FOTO)

13 İyun 2019 15:30 (UTC+04:00)

Bakının Nizami rayonu, Qara Qarayev prospektində dayanma və durma nişanlarının quraşdırılması ərazidəki tıxacları aradan qaldırıb.

Bu barədə Trend-ə açıqlamasında Bakı Nəqliyyat Agentliyinin mətbuat xidmətinin rəhbəri Mais Ağayev deyib.

O bildirib ki, Q.Qarayev prospektində "Diqlas" Ticarət Mərkəzi və "8-ci kilometr" bazarının qarşısından keçən hissədə avtomobillərin dayanma, durma qaydalarına riayət etməsilə bağlı tədbirlər görülür. Görülən tədbirlər nəticəsində ərazidə tıxac yaranmır, avtomobillərin normal hərəkəti təmin edilib.