İngiltərənin Leicester City klubu heyətini yeni futbolçu ilə gücləndirib.
Goal.az klubun rəsmi saytına istinadən xəbər verir ki, Premyer Liqa təmsilçisi ötən mövsümün ikinci yarısında Monaco-dan icarəyə götürdüyü belçikalı yarımmüdafiəçi Yuri Tilemansı birdəfəlik transfer edib. 22 yaşlı futbolçu ilə 4 illik müqavilə imzalanıb.
"Tülkülər" bu transferə görə Fransa klubuna 40 milyon funt-sterlinq təzminat ödəyəcək. Bu da Premyer Liqa təmsilçisinin tarixində ən bahalı transferi deməkdi.
Belçika yığmasının da şərəfini qoruyan Tilemans geridə qalan mövsümdə Leicester City-də 13 Premyer Liqa matçına çıxıb, 3 qola imza atıb.