"İnstaqram"ın işində problemlər yaranıb

4 Avqust 2019 11:00 (UTC+04:00)

"Instagram" sosial şəbəkəsinin işində problem müşahidə olunub.

Movqe.az-ın məlumatına görə, bu barədə məşhur internet resurslarda problemləri aşkarlayan "Downdetector" portalı xəbər verib.

Məlumata əsasən, problemlər səhər saat 06:17-dən müşahidə edilir. Sosial şəbəkənin işindən daha çox ABŞ, Braziliya, Niderland, Fransa, Almaniya, Meksika, Polşa, Böyük Britaniya, Serbiya, Çili, Yaponiya və Malayziyada yaşayan istifadəçilər şikayətləniblər.

İstifadəçilərin təxminən 50 faizi xəbər lentinin yenilənməsində, 29 faizi öz hesablarına daxil ola bilmədiklərini, 20 faizi isə "Stories"lərdə problemlərin olduqlarını bildiriblər.