Beşiktaş ciddi itkilərlə üzləşib.
Goal.az klubun saytına istinadən xəbər verir ki, “qara qartallar”ın futbolçusu Dorukan Toköz zədələnib. Superliqanın VII turunun “Alanyaspor”la oyununda (2:0) diz bağları qopan Dorukan əməliyyat olunacaq. 23 yaşlı yarımmüdafiəçinin 4 ay yaşıl meydanlardan uzaq qalacağı bildirilir. Həmin oyunda Beşiktaş-ın daha iki futbolçusu - Kevin Nkudu və Oğuzhan Özyakup da sıradan çıxıb. Amma bu gündən müalicələrinə start verilən bu oyunçuların zədəsi elə də ciddi deyil və onların tezliklə sıraya dönməsi gözlənilir.