Qəbələ rayonunda qadın həyat yoldaşı tərəfindən xüsusi amansızlıqla döyülüb.
Trend-in məlumatına görə, hadisə rayonun Solquca kəndində baş verib.
Kənd sakini, 1975-ci il təvəllüdlü Xalidə Dəmirova həyat yoldaşı 1973-cü il təvəllüdlü Eyvaz Dəmirov tərəfindən xüsusi amansızlıqla döyülüb.
Hadisə nəticəsində bədəninin müxtəlif hissələrindən xəsarətlər alan qadın Qəbələ Rayon Mərkəzi Xəstəxanasına çatdırılıb.
Xatırladaq ki, ailənin birgə nigahdan 4 övladı var.
Trend-in məlumatına görə, qadını döyən E.Dəmirov Qəbələ rayon Polis şöbəsinə çağırılaraq izahatı alınıb.
Faktla bağlı araşdırma aparılır.