"Zirə" klubu futbolçusu Robin Nqalande ilə yolları ayırıb.
Goal.az-ın klubun rəsmi saytına istinadən verdiyi məlumata görə, malavili hücumçunun müqaviləsinə qarşılıqlı razılaşma əsasında xitam verilib.Ona gələcək karyerasında uğurlar arzulanıb.
Qeyd edək ki, 2019-cu ilin yanvarında "Zirə"yə keçən 28 yaşlı futbolçu 6 ay sonra klubla 2 illik yeni müqavilə imzalayıb. O, cari mövsüm 2-si kubok, 5-i Premyer Liqa olmaqla "Zirə"nin heyətində 7 oyunda meydana çıxıb.