Juventus-un hücumçusu Kriştiano Ronaldo bu gün Brescia-ya qarşı oyunda iştirak etməyəcək.
Goal.az xəbər verir ki, klubun rəsmi Tvitter səhifəsində A seriyasının 24-cü turunun matçına sifariş olunan 20 oyunçunun adı açıqlanıb. Onların arasında portuqaliyalı hücumçu yoxdur. Bunun səbəbləri barədə məlumat verilməyib.
Qeyd edək ki, Juventus – Brescia görüşü bu gün Bakı vaxtı ilə saat 18.00-da başlanacaq.
Əlavə edək ki, daha öncə Juventus-un baş məşqçisi Mauritsio Sarri bu oyunda Ronaldoya istirahət verə biləcəyini demişdi.