UEFA-nın avrokuboklar üçün əmsallar cədvəli açıqlanıb.
Apasport.az saytının məlumatına görə, 2013/14 mövsümündə ilk dəfə açıqlanan siyahıda ciddi dəyişikliklər olmayıb.
İyulun 2-də baş tutan Çempionlar Liqasının 2, Avropa Liqasının 4 oyununun əksini tapdığı cədvəldə Azərbaycan irəliləyişə nail olub. Belə ki, mövsümün startı ərəfəsində 32-ci olan ölkəmiz 1 pillə irəliləyərək bizim üçün görünməmiş mövqeyə - 31-ci yerə yüksəlib.
Bu uğur "Xəzər Lənkəran" və "Qarabağ"ın Avropa Liqasının I təsnifat mərhələsində keçirdikləri ilk oyunların nəticələri hesabına mümkün olub. Lənkəranlılar Maltada "Slima" ilə heç-heçə etməklə Azərbaycanın hesabına 0,125 xal əlavə edib. Makedoniyada "Metallurq" (Skopye) üzərində 1:0 hesablı qələbə qazanan "Qarabağ" isə aktivimizə 0,250 xal gətirib.
Əldə olunan bu 0,375 xal sayəsində ölkəmizin əmsalı 8,250-yə çatıb. Belə irəliləyiş sayəsində Gürcüstanı arxada qoyan Azərbaycan 31-ci pilləyə yüksəlib. Artıq 4-cü "onluğ"un ilk sırasında olan ölkəmiz ilk "30-luğ"a da iddia edir. 30-cu olan Sloveniyadan cəmi 0,125 xal geridə olduğumuzdan cəmi 1 heç-heçə balkanlılara çatmağa imkan verir. Təbii ki, sloveniyalılarla müqayisədə artıq əldə olunacaq heç-heçə sayəsində mümkün olacaq.
|
...25 |
Norveç |
11.675 |
|
26 |
Serbiya |
11.625 |
|
27 |
Macarıstan |
10.750 |
|
28 |
Bolqarıstan |
10.000 |
|
29 |
Slovakiya |
9.375 |
|
30 |
Sloveniya |
8.375 |
|
31 |
Azərbaycan |
8.250 |
|
32 |
Gürcüstan |
8.000 |
|
33 |
Moldova |
7.000 |
|
34 |
Finlandiya |
6.675 |
|
35... |
Bosniya Herseqovina |
6.000 |