Bakıda bıçaqlanma hadisəsi baş verib.
Mövqe.az-ın məlumatına görə, hadisə paytaxtın Nəsimi rayonu, A.Mustafayev küçəsi 3 ünvanındakı "Qalaltı" kafesində qeydə alınıb.
Gədəbəy rayon sakini, 1989-cu il təvəllüdlü İbrahimov Gəncağa Qələndər oğlu müxtəlif bıçaq xəsarətləri ilə xəstəxanaya gətirilib.
Hüquq mühafizə orqanları əməkdaşlarının keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən Quba rayon sakini, 1984-cü il təvəllüdlü Natiq Ələkbərov saxlanılıb.
Faktla bağlı Cinayət Məcəlləsinin 29.120-ci (adam öldürməyə cəhd) maddəsi ilə cinayət işi başlanıb.