İşıq borcu olanlara xəbərdarlıq
4 İyul 2013 11:49 (UTC+04:00)
Bakıda borclu abonentlərin elektrik enerjisi
kəsiləcək. "Bakıelektrikşəbəkə"
ASC-nin mətbuat xidmətindən Movqe.az-a verilən məlumata görə,
"Bakıelektrikşəbəkə" ASC-nin fəaliyəti dövründə debütor borcu
yaranmış abonentlərin elektrik enerjisi təchizatı iyulun 8-i saat
12:00-dan etibarən müvafiq qanunvericliyə uyğun qeyd-şərtsiz və
fərdi qaydada dayandırılacaq. Borcunu
yuxarıda qeyd olunan müddətdə ödəməyənlərin elektrik enerjisi
təchizatını dayandıracaq əməkdaşlar tərəfindən abonentlərə heç bir
güzəşt edilməyəcək. Məlumata görə,
elektrik enerjisi təchizatı dayandırılan abonentlərin borclarını
ödədikdən sonra təkrar şəbəkəyə qoşulmaları bir neçə gün ərzində
mümkün olacaq ki, bu da abonentlərə müəyyən problemlər yaradacaq.
Abonentlərin elektrik enerjisi təchizatı ilə bağlı hər hansı
problem yaşamamaları üçün istifadə etdikləri elektrik enerjisi
haqlarını dərhal ödəmələri xahiş olunur. Borcların ödənilməsi bütün poçt şöbələrində, banklarda,
ASC-nin ödəmə məntəqələrində, həmçinin internet saytı (www.bes.az)
vasitəsilə "onlayn" olaraq həyata keçirilir.