Mərkəzi Seçki Komissiyasına (MSK) 2019-cu il üzrə maliyyə hesabatı təqdim etmiş partiyaların sayı açıqlanıb.
MSK-dan APA-ya verilən məlumata görə, bu günə qədər Azərbaycanda dövlət qeydiyyatına alınmış 55 siyasi partiyadan 29-u maliyyə hesabatını MSK-ya təqdim edib.
Bir neçə partiyanın maliyyə hesabatlı isə hazırda auditor rəyi üçün təqdim olunub və Novruz bayramından sonra partiyaların mütləq əksəriyyətinin maliyyə hesabatlarını MSK-ya təqdim etməsi prosesinin yekunlaşacağı gözlənilir.
Xatırladaq ki, qanunvericiliyə əsasən, MSK aprelin 1-dək illik maliyyə hesabatlarını auditor rəyi ilə birlikdə təqdim etməyən siyasi partiyalar barədə Ədliyyə Nazirliyinə məlumat verməlidir.