Roza Zərgərli Müğənni Roza Zərgərli Bərdədə yaşayan bir ailəyə hədiyyə edib.
Axşam.az xəbər verir ki, sənətçi həmkarı Nadir Qafarzadə ilə İnstaqramda canlı yayıma girib. Zərgərli Nadirin yardım üçün getdiyi yoxsul ailəyə soyuducu alıb.
"Əlimizdə milyonlar yoxdur. Gücümüz çatan nə varsa, bölüşməyi bacarırıq. Ailənin başqa nəyə ehtiyacı varsa, gücüm çatanı edəcəm. Uşağın isə gələn il məktəb üçün lazım olan bütün ləvazimatını göndərəcəm. Bunu savab qazanmaq üçün etmirik. Vətənimizi ailəmiz bilirik, ona görə yardım edirik. Yenə ora getsəniz, mənə də xəbər edin" deyə, Roza bildirib.
Nadir daha sonra digər müğənnilərə səslənərək ailənin evini təmir etdirmək üçün yardım istəyib.