Əcnəbilərin Azərbaycanda qalma müddəti yenidən uzadıldı

12 May 2020 14:19 (UTC+04:00)

Azərbaycanda olan əcnəbilərin ölkədə qalma müddəti yenidən uzadıldı. Mövqe.az xəbər verir ki, bu barədə Dövlət Miqrasiya Xidmətinin rəisi Vüsal Hüseynov məlumat verib. Onun sözlərinə görə, ölkədə olma müddəti (90 gün) bitən və müvafiq dövlət rüsumu ödəməklə müddəti 60 gün uzadılmış şəxslərin ölkədə olma müddəti dövlət sərhədində giriş-çıxışa tətbiq olunan məhdudiyyət aradan qaldırılanadək heç bir müraciət olmadan, əlavə dövlət rüsumu ödənilmədən qanuni hesab olunur (uzadılır): "Sərhədlərdə hərəkət bərpa olunduqdan sonra ölkə ərazisində olma, tərk edilməsi müddətləri və qaydası barədə əlavə məlumat veriləcək".