Aktyor Anar Heybətov yeni açıqlaması ilə hər kəsi təəccübləndirib.
Mövqe.az-ın məlumatına görə, aktyor "Onlar" verilişinə yaxın günlərdə dünya ulduzu Şakiranın klipində rol alacağını deyib.
O, hətta qarşı tərəflə aralarında telefon danışığı olduğunu bildirib:
"Düzdür, dillərini tam başa düşmürdüm, amma kliplə bağlı olduğunu anladım. Əgər alınarsa, böyük məmnuniyyətlə çəkiləcəm".
Aktyor həmçinin vurğulayıb ki, yaxın günlərdə yeni tamaşasını təqdim edəcək:
"Hazırda "Şah Qacar" adlı tamaşa üzərində çalışıram. Burada Şah Qacarın qardaşı Cəfərqulu xanı oynayıram. Maraqlı tamaşadır, yaxın günlərdə onu təhvil verəcəyik".