“Abituriyentlər üçün dərs vaxtı”nın iyunun 24-nə olan cədvəli

23 İyun 2020 16:30 (UTC+04:00)

"Mədəniyyət" və "ARB Günəş" telekanallarında yayımlanan "Abituriyentlər üçün dərs vaxtı"nın iyunun 24-nə olan cədvəli təqdim edilib. Bu barədə AZƏRTAC-a Təhsil Nazirliyindən məlumat verilib. Bildirilib ki, proqramda ümumiləşdirmələr, təhlillər, açıq və qapalı sualların "şifrələri", kompleks məsələlərin həll üsulları, mətnlə iş, informasiyanı düzgün emal etmək bacarığı və sair təqdim olunacaq. Bütün bunlar abituriyentlərin imtahana daha yaxşı hazırlaşmasına imkan verəcək. "Dərs vaxtı" abituriyentlərin təhsillərini davam etdirmək arzusunu alqışlayır və bu işdə onlara kömək etməyə hazır olduğunu bildirir. Təhsil Nazirliyi "Abituriyentlər üçün dərs vaxtı"nı izləməyi tövsiyə edir.