Orqanizmi cavanlaşdıran yeni üsul – ARAŞDIRMA

9 İyul 2020 22:51 (UTC+04:00)

ABŞ-ın Kaliforniya Universitetinin alimləri gəncliyin bərpası üçün yeni yol tapıb. Təcrübə nəticəsində məlum olub ki, güclü cavanlaşma effektinə nail olmaq üçün qan plazmasını salin və albumin qarışığı ilə seyrəltmək lazımdır, burada albumin orijinal plazma çıxarıldıqda itirilən zülalın yerini alır. Araşdırmanın nəticələri "Yaşlanma" jurnalında yer alıb.

Mütəxəssislər siçanlar üzərində təcrübə aparıblar. Ən böyük cavanlaşmanın heyvanların beyin, qaraciyər və əzələ tərəfindən alındığı qeyd olunur. Tədqiqat göstərib ki, prosedur gəmiricilərin sağlamlığına zərər verməyib.