İngiltərədə “McDonald’s” restoranı bağlandı - İşçilər karantinə alındı

4 Avqust 2020 19:10 (UTC+04:00)

İngiltərənin şimal-qərbindəki Stokport şəhərində "McDonald’s" restoranı 5 əməkdaşın koronavirusa yoluxması ilə əlaqədar bağlanıb. Trend-in məlumatına görə, şirkət test nəticələrindən sonra həmin restoranı müvəqqəti bağlamaq qərarına gəlib. Qeyd olunur ki, koronavirus testi müsbət çıxmış şəxslər karantinə alınıb. Onların sağlamlıq vəziyyəti barədə ətraflı məlumat verilməyib. Digər işçilərə də özünütəcrid rejiminə keçmək tövsiyə olunub.