Bu ölkədə koronavirus 102 gün sonra yenidən baş qaldırdı

11 Avqust 2020 18:15 (UTC+04:00)

Yeni Zelandiyada 102 gün sonra yenidən koronavirusa yoluxma aşkarlanıb. Publika.az xəbər verir ki, bu barədə gecə saatlarında mətbuat konfransı təşkil edən Baş nazir Yasinda Ardern bildirib. Ölkənin ən qələbəlik şəhərlərindən biri olan Auklənddə yaşayan bir ailənin 4 üzvündə koronavirus aşkar edildiyini bildirən baş nazir həmin şəxslərin son zamanlarda xarici səyahətə çıxmadığını deyib. Baş nazir şəhər miqyasında 3 günlük üçüncü dərəcəli fövqəladə vəziyyət elan edib. Bu da restoran və barların, ikinci dərəcəli mağazaların fəaliyyətinin dayandırılması deməkdir. Xalqa lazım olmadıqca küçəyə çıxmamaq və 10 nəfərdən artıq toplaşmamaq tapşırılıb. Qeyd edək ki, Ümumdünya Səhiyyə Təşkilatı Yüni Zelandiyanı pandemiya ilə mübarizədə nümunə ölkələrdən biri adlandırır.