Cənubi Koreya Müdafiə Nazirliyindən yüksək vəzifəli nümayəndə heyəti Azərbaycana gələcək.
Azərbaycan Müdafiə Nazirliyinin mətbuat xidmətindən APA-ya verilən məlumata görə, müdafiə nazirinin müavini Bak Sunq Conun (Baek Seung-Joo) rəhbərlik etdiyi Koreya nümayəndə heyəti avqustun 9-10-da Azərbaycanda olacaq.
Müdafiə Nazirliyində keçiriləcək görüşlərdə iki ölkə arasında hərbi əməkdaşlıq məsələləri müzakirə olunacaq.
Nümayəndə heyətinin digər dövlət qurumlarında da görüşləri gözlənilir.