Bölgələrdə seçki komissiyalarının üzvləri üçün kurslar keçiriləcək
1 Avqust 2013 12:03 (UTC+04:00)
Dairə seçki komissiyalarının, eləcə də məntəqə
seçki komissiyalarının üzvləri üçün seçki hüququ üzrə
ixtisaslaşdırılmış kurslar keçiriləcək. Mövqe.az xəbər verir ki, bu
barədə Mərkəzi Seçki Komissiyasının (MSK) hüquq şöbəsinin müdiri
İradə Hacıyeva bildirib.
Onun sözlərinə görə, kurslar avqustun 5-dən 7-dək
bölgələrdə təşkil ediləcək.
Qeyd edək ki, kurslar Azərbaycan Respublikası
Prezidentinin 27 dekabr 2011-ci il tarixli sərəncamı ilə təsdiq
edilmiş "Azərbaycan Respublikasında insan hüquq və azadlıqlarının
müdafiəsinin səmərəliliyini artırmaq sahəsində Milli Fəaliyyət
Proqramı"na əsasən aşağı seçki komissiyası üzvlərinin
maarifləndirilməsi ilə əlaqədar təşkil olunur.