"Böyük Bakının Regional İnkişaf Planı"nda nəqliyyat sisteminin inkişafı və ekoloji cəhətdən yaxşılaşdırılması istiqamətində təkliflər nəzərdə tutulub
Gələcəkdə Bakı şəhərinin bütün giriş yollarında xüsusi terminallar təşkil olunacaq. Bu terminallar vasitəsilə paytaxta fərdi nəqliyyat vasitələrinin buraxılmasına məhdudiyyət qoyulacaq. "APA-Economics"in məlumatına görə, bunu Dövlət Şəhərsalma və Arxitektura Komitəsi beynəlxalq əlaqələr və informasiya şöbəsinin müdiri Cahangir Qocayev "Böyük Bakının Regional İnkişaf Planı"na həsr olunmuş tədbirdə çıxışı zamanı bildirib.
Onun sözlərinə görə, yeni planda şəhərin inkişafı, nəqliyyat sisteminin inkişafı və ekoloji cəhətdən yaxşılaşdırılması istiqamətində bir çox təkliflər nəzərdə tutulub.