Balaca İmranın ayaqlarında iltihablaşma azalır
5 Avqust 2013 19:39 (UTC+04:00)
Avqustun 3-də İmranın sarğıları dəyişdirildi.
Həkimlərin sözlərinə görə, sağ və hər iki ayağında olan yaraların
sağalması prosesində irəliləyiş olub".Bu sözləri İmran Cəfərzadənin
sonuncu müayinəsi ilə bağlı açıqlamasında Azərbaycanın Almaniyadakı
səfirliyinin mətbuat attaşesi Vüqar Qafarov
deyib. Onun sözlərinə görə həkimlər
İmranın ayaqlarında iltihablaşmanın səviyyəsi aşağı düşdüyünü,
bununla da sınmış sümüklərə infeksiya düşmək təhlükəsi bir qədər də
azaldığını deyiblər: "Müalicənin hazırkı mərhələsinin prioriteti
iltihablaşmaya qarşı mübarizədir. Sınmış sümüklərə infeksiya düşmə
təhlükəsi aradan qaldırılır. Bu mübarizə üç yolla- ayağa
quraşdırılmış irinsoran cihazlar, antibiotiklərlə müalicə,
sarğıların mütəmadi olaraq dəyişdirilməsi ilə aparılır. Bütövlükdə
isə həkimlər müalicənin hazırkı prosesindən razıdırlar. Proses hələ
davam etdirilir, lakin nə vaxt başa çatacağı hələ ki bilinmir.
Bunun üçün ayaqlarda iltihablaşmanın səviyyəsi həkimlərin istədiyi
çatmalıdır ki, növbəti addımlar haqqında qərar qəbul edisin.
Həkimlər müalicənin bu vaxta qədərki nəticələrindən razı qaldılar.
Valideynlərinin və həkimlərinin sözlərinə görə, uşağın ümumi
vəziyyəti normaldır".
Xatırladaq ki, iyulun 21-də Xaçmaz rayonunda
yerləşən "Nabran Holiday Village"akvaparkının hovuzunun nasos
sistemi İmran Cəfərzadəyə ağır xəsarət yetirib. Trubanın ağzında
qoruyucu barmaqlıq olmadığından uşaq sağ ayağının dizdən aşağı
hissəsi və sol ayağının dabanını itirib. Prezident İlham Əliyev
İmranın müalicəsinin dövlət hesabına təmin edilməsi ilə bağlı
göstəriş verib. İki yaşlı İ.Cəfərzadə iyulun 25-dən Berlinin ən
yaxşı klinikalarından biri "Charite" də əməliyyat və müalicə
olunması üçün Almaniyaya yola salınıb.