Apple-dan Samsunga daha bir zərbə
11 Avqust 2013 12:52 (UTC+04:00)
Movqe.Az xəbər verir ki, Apple və Samsung
arasında illərdir davam edən patent məhkəmələrində yeni bir inkişaf
yaşanıb. ABŞ Beynəlxalq Ticarət Komissiyası (ICT), Samsungun
Apple-a aid patentləri pozması səbəbiylə bəzi məhsullarının idxal
edilməsini qadağan edib. Pozuntuya yol verilən patentlərin,
iPhone-a aid olduğu deyilib. ABŞ-lı
elektron nəhəngi Apple, ən böyük rəqibi Samsung-a qarşı öz evində
verdiyi qanuni mübarizəni davam etdirir. 2012-ci ilin avqustunda
Cənubi Koreyalı elektronika nəhənginə qarşı 1 milyard dollarlıq
təzminat iddiası qazanan Apple, indi də rəqibinin bəzi
məhsullarının ABŞ-a idxalına qadağan gətirməyi
bacarıb. ICT-dan çıxan qərara görə,
Samsungun bəzi məhsullarında Apple texnologiyasını qeyri-qanuni
olaraq istifadə edib. ICT, bəzi Samsung məhsullarına qadağan
gətirilmə qərarı versə də, Applenin etdiyi dörd digər etirazı rədd
edib. Qərardan sonra hansı məhsullara
necə qadağanın gələcəyi hələlik məlum
deyil. Uzun müddətdir Samsung
məhsullarına ABŞ-da qadağa gətirməyə çalışan Apple, iPhoney-a aid
patentlər üzərindən uğur qazanmağı bacarıb.