Liviyanın paytaxtı Tripolidə bərbər tayfasının üzvləri ölkə
parlamentinə daxil olaraq tar-mar ediblər. Hücum edənlər parlament
binasının şüşələri sındırıblar, mebeli qırıblar, bir sözlə
parlament binasını darmadağın ediblər.
Milli Konqresin nümayəndəsinin sözlərinə görə, qəzəbli dəstə hətta
deputatlara məxsus sənədləri oğurlayıb.
Xəsarət alanlar barədə xəbər verilmir.
Bərbərlər qəbul ediləcək yeni konstitusiyada onların dilinin və
mədəniyyətinin tanınmasını tələb edirlər. Bərbərlərin hazırda
Liviya əhalinin 5-10 faizini təşkil etməsinə baxmayaq, tarixən
onlar Liviya ərazisində sonradan köç salmış ərəblərdən xeyli əvvəl
yaşayıblar.
Qeyd edək ki, Müəmmər Qəddafinin dövründə bərbərlər təqiblərə və
diskriminasiyaya məruz qalıb.