Güc strukturları işçilərinin əmək haqları artırıldı

25 Avqust 2013 13:00 (UTC+04:00)

Azərbaycan prezidenti İlham Əliyev güc strukturlarında çalışan işçilərin əmək haqlarının artırılması barədə sərəncamlar imzalayıb. APA-nın məlumatına görə, Daxili İşlər Nazirliyinin xüsusi rütbəsi olan əməkdaşlarının və dövlət qulluqçusu olmayan mülki işçilərinin aylıq vəzifə (tarif) maaşları sentyabrın 1-dən orta hesabla 10% artırılır. Milli Təhlükəsizlik Nazirliyinin hərbi qulluqçularının və dövlət qulluqçusu olmayan mülki işçilərinin aylıq vəzifə (tarif) maaşları da sentyabrın 1-dən orta hesabla 10% artırılacaq. Bununla yanaşı, Fövqəladə Hallar Nazirliyinin hərbi qulluqçularının, xüsusi rütbəsi olan əməkdaşlarının və dövlət qulluqçusu olmayan mülki işçilərinin aylıq vəzifə (tarif) maaşları sentyabrın 1-dən orta hesabla 10% artırılır. Xüsusi Dövlət Mühafizə Xidmətinin hərbi qulluqçularının və dövlət qulluqçusu olmayan mülki işçilərinin aylıq vəzifə (tarif) maaşları da sentyabrın 1-dən orta hesabla 10% artırılacaq. Ədliyyə Nazirliyinin Penitensiar Xidmətinin və Tibb Baş İdarəsinin hərbi qulluqçularının, xüsusi rütbəsi olan əməkdaşlarının və dövlət qulluqçusu olmayan mülki işçilərinin aylıq vəzifə (tarif) maaşları sentyabrın 1-dən orta hesabla 10% artırılır. Dövlət Sərhəd Xidmətinin hərbi qulluqçularının və dövlət qulluqçusu olmayan mülki işçilərinin aylıq vəzifə (tarif) maaşları sentyabrın 1-dən orta hesabla 10% artırılır. Həmçinin, Dövlət Gömrük Komitəsinin xüsusi rütbəsi olan əməkdaşlarının və dövlət qulluqçusu olmayan mülki işçilərinin aylıq vəzifə (tarif) maaşları sentyabrın 1-dən orta hesabla 10% artırılacaq. Bundan başqa, Daxili İşlər Nazirliyinin Daxili Qoşunların Baş İdarəsinin hərbi qulluqçularının və dövlət qulluqçusu olmayan mülki işçilərinin aylıq vəzifə (tarif) maaşları sentyabrın 1-dən orta hesabla 10% artırılır.