Bakıda 30 yaşlı kişi döyülərək öldürülüb.
Daxili İşlər Nazirliyindən APA-ya verilən məlumata görə, Suraxanı rayonunda "Duzlu göl" adlanan ərazidə 30 yaşlı Xəyyam Allahverdiyev xəsarətlərlə xəstəxanaya gətirilib və orada dünyasını dəyişib.
Keçirilən əməliyyat axtarış tədbirləri nəticəsində onun döyülərək öldürüldüyü məlum olub. Hadisəni törədən Zəngilan rayon sakinləri - 20 yaşlı Elçin Abdullayev, 29 yaşlı Abbas Orucov və onun qardaşı 23 yaşlı Azad tutulub.