AŞPA Bakıya 32 nəfərdən ibarət nümayəndə heyəti göndərir
27 Avqust 2013 11:51 (UTC+04:00)
Avropa Şurasının Parlament Assembleyası (AŞPA) Azərbaycanda
keçiriləcək prezident seçkilərini izləmək üçün Bakıya 32 nəfərdən
ibarət nümayəndə heyəti göndərəcək. Bu barədə AŞPA-dan Trend-ə
bildirilib.
Məlumatda bildirilir ki, nümayəndə heyəti oktyabrın 7-dən 10-a kimi
Bakıda olacaq.
AŞPA-dan bildiriblər ki, 7 nəfərdən ibarət nümayəndə heyəti isə
seçkiqabağı vəziyyətin monitorinqini keçirmək üçün senytabrın
10-dan 13-ə kimi Bakıda olacaq.
Sözügedən nümayəndə heyətinin sentyabrın 13-də mətbuat konfransı
keçirməsi planlaşdırılır. Məlumatda bildirilir ki, AŞPA seçkiləri
izlədikdən sonra yekun hesabat qəbul edəcək.
Qeyd edək ki, Azərbaycanda prezident seçkisi oktyabrın 9-da
keçiriləcək.