Vəkil olmaq istəyənlərə daha bir şans
30 Avqust 2013 15:51 (UTC+04:00)
Azərbaycan Vəkillər Kollegiyasının Rəyasət
Heyətinin "Vəkillər və vəkillik fəaliyyəti haqqında" qanunun
tələbinə uyğun olaraq Vəkillər Kollegiyasına qəbul olunmaq
arzusunda olan şəxslərin sənədlərinin qəbulu noyabrın 4-ə
uzadılıb.
Bu barədə Trend-ə
Vəkillər Kollegiyasından məlumat verilib.
Qanunvericiliklə müəyyən edilmiş tələblərə cavab
verən şəxslər müvafiq sənədləri təqdim etməklə Vəkillər
Kollegiyasının Rəyasət Heyətinə müraciət edə
bilərlər.
Sənədlərə Vəkillər Kollegiyasının Rəyasət Heyəti
tərəfindən müəyyən olunmuş formada ərizə, şəxsiyyət vəsiqəsinin
surəti (notariat qaydasında təsdiq edilmiş), ali təhsil barədə
diplom və onun notariat qaydasında təsdiq edilmiş surəti, əmək
kitabçasının notariat qaydasında və ya iş yerində təsdiq edilmiş
surəti, kadrların şəxsi məlumat vərəqəsi, tərcümeyi-hal, əqli
cəhətdən sağlamlıq barədə tibbi arayış, 3-4 sm ölçüdə 4 ədəd rəngli
fotoşəkil, 4-6 ölçüdə 4 ədəd rəngli fotoşəkil daxildir.