Qaraqaşlı və Quruzma kəndlərinin qazlaşdırılması məqsədi ilə 668 ədəd sayğac və fərdi tənzimləyici quraşdırılıb
Sabirabad rayonunun daha 2 kəndinə təbii qaz verilib. ARDNŞ-nin rəsmi saytında verilən məlumata görə, bu gün Sabirabad rayonunun Qaraqaşlı və Quruzma kəndlərinə təbii qaz verilməsi münasibətilə tədbir keçirilib. Tədbirdə "Azəriqaz" İstehsalat Birliyi və Sabirabad Rayon İcra Hakimiyyətinin təmsilçiləri, eləcə də ictimaiyyət nümayəndələri iştirak ediblər.
Tədbirdə məlumat verilib ki, ümumilikdə 668 abonenti olan Qaraqaşlı və Quruzma kəndlərinin qazlaşdırılması məqsədi ilə birpilləli sistem əsasında 114 290 metr uzunluğunda polietilen və metal borularla daşıyıcı və məhəllədaxili qaz xətləri çəkilib, 668 ədəd sayğac və fərdi tənzimləyici quraşdırılıb.