Obamaya bənzəyir deyə İrana buraxmırlar
4 İyun 2012 18:39 (UTC+04:00)
Movqe.Az xəbər verir ki, İran, Amerika
Birləşmiş Ştatlarının prezidenti Barak Obamaya oxşayan azərbaycanlı
Asif Mustafayevə ölkəyə girişi qadağan edib.
Moskva Bənzərlər Teatrı tərəfindən may ayında dövlət başçılarının
bənzərləri şousunu üçün İrana dəvət edilən Asif Mustafayevə, İrana
girdiyi anda həbs olunacağı deyilib.
May ayında Moskva Bənzərlər Teatrı tərəfindən İrana dəvət
edildiyini deyən Asif Mustafayev, "Mən ABŞ prezidedenti Obamanın
bənzəri olduğum üçün İrana girməyimə icazə vermədilər. Ancaq bunun
səbəbinin İranın Amerika ilə münasibətləri olduğunu düşünürəm.
Əvvəlcə Moskva Bənzərlər Teatrı, İrana gedəcəyim üçün mühafizə
veriləcəyini söyləmişdi. Lakin getməzdən iki gün əvvəl İran
tərəfindən, mənim ölkəyə girdiyim anda həbs ediləcəyim məlumatı
verildi. Bu yalnız bənzərlərin qatılacağı bir şou idi. İran
tərəfindən bu mövzu siyasiləşdirilir" açıqlamasını verib.
Azərbaycanın Qəbələ şəhərində yaşayan və əslində bir rəssam olan
Mustafayev son zamanlarda siyasətlə məşğul olmağa başlayaraq
partiyaların birində ictimaiyyətlə əlaqə şöbsində çalışır. Moskvada
məşhurların bənzərləri yarışmasına qatılan Mustafayev, Obamaya
bənzərliyiylə 44 namizəd arasında birinci olub. Xatırladaq ki,
azərbaycanlı Obama təyyarəyə minməkdən qorxduğu üçün, bütün
səfərlərində digər nəqliyyat vasitələrində istifadə edir.