Hidrometeoroloqlardan hava xəbərdarlığı
4 Fevral 2014 09:15 (UTC+04:00)
Movqe.az, Ekologiya və Təbii Sərvətlər Nazirliyinin Milli
Hidrometeorologiya Departamentinə istinadən xəbər verir ki, bu
gün Bakıda və Abşeron yarımadasında hava şəraitinin dəyişkən
buludlu olacağı, arabir tutulacağı, əsasən yağmursuz hava şəraiti
üstünlük təşkil etsədə, gün ərzində bəzi ərazilərdə qısamüddətli
zəif qar yağacağı ehtimal olunur. Gündüz mülayim cənub-qərb küləyi
əsəcək. Gecə və səhər yollar buz bağlayacaq. Havanın temperaturunun
gecə 6-8 dərəcə şaxta, gündüz 2 dərəcə şaxtadan 1 dərəcəyədək isti
olacağı gözlənilir. Azərbaycanın rayonlarında hava şəraitinin
əsasən yağmursuz keçəcəyi, bəzi yerlərdə duman olacağı, lakin
Lənkəran-Astara zonasında qar yağacağı ehtimal olunur. Şərq küləyi
əsəcək. Yollar buz bağlayacaq. Havanın temperaturunun gecə 6-11
dərəcə şaxta, gündüz 3 dərəcə şaxtadan 2 dərəcəyədək isti, dağlarda
gecə 15-20, yüksək dağlıq ərazilərdə 20-25, gündüz 4-9 dərəcə şaxta
olacağı gözlənilir. Fevralın 06-dək Abşeron yarımadasında
gözlənilən soyuq diskomfort şəraiti meteohəssas insanlar üçün
əlverişsiz olsa da, havanın oksigenlə zəngin olması müsbət amildir.