Səhiyyə naziri Oqtay Şirəliyev bu gün İmişli Mərkəzi Rayon Xəstəxanasında vətəndaşları qəbul edib.
Movqe.az-ın məlumatına görə, nazirin qəbulunda İmişli rayon sakinləri ilə yanaşı, ətraf Ağcabədi, Beyləqan, Xocavənd, Fizuli rayonundan olan 50-yə qədər şəxs də iştirak edib. Qəbulda vətəndaşların sağlamlıq problemləri, müalicə xərclərinin qarşılanması məsələləri, şikayət və təkliflər, işlə təminat və sair müraciətlər dinlənilib. Nazir bəzi müraciətləri yerində həll edib, digər müraciətlərin isə baxılmasına göstərişlər verib.