Prezidentə tar və kamança hədiyyə edildi
13 Fevral 2014 18:13 (UTC+04:00)
Milli Konservatoriyasının yeni inzibati-tədris
kompleksinin açılışını edən prezident İlham Əliyevə milli musiqi
alətlərimiz olan tar və kamança hədiyyə olunub.
Daha sonra Prezident İlham Əliyevə Milli
Konservatoriyanın maketi təqdim olunub, gələcəkdə burada görüləcək
işlər barədə məlumat verilib.
Dövlətimizin başçısı yeməkxanada yaradılan
şəraitlə də tanış oldu. Qeyd edildi ki, binanın daxilində yüksək
zövqlə tərtib olunan üzgüçülük hovuzu da
qurulub.
Qeyd edək ki, açılış mərasimində iştirak edən
prezident milli mənəvi dəyərlər üzərində bərqərar olan Azərbaycan
dövləti milli musiqinin inkişafına da xüsusi diqqət göstərdiyini
deyib.
Heydər Əliyev Fondunun prezidenti Mehriban Əliyeva
mədəniyyət xadimlərinə qayğının hər zaman diqqət mərkəzində
saxlandığını, mədəniyyətin, xüsusilə də milli musiqinin inkişafının
prioritet olduğunu vurğulayıb.