Olimpiadada ən çox qızıl medalın sahibi
16 Fevral 2014 22:26 (UTC+04:00)
Almaniya millisi XXII Soçi Qış Olimpiya Oyunlarının medal
sıralamasında birinci pillədəki mövqeyini davam etdirir. Movqe.az
xəbər verir ki, 88 ölkədən 2 min 800-dən artıq idmançının qatıldığı
Olimpiya Oyunlarında Almaniya millisinin hesabında 7 qızıl, 3 gümüş
və 2 bürünc medal var. Norveç yığması 14 medalla (5-3-6) ikinci,
İsveçrə millisi isə 7 medalla (5-1-1) üçüncü pillədə qərarlaşıb.
XXII Qış Olimpiya Oyunlarında artıq 26 ölkədən idmançılar medal
qazanmışlar. Qeyd edək ki, Olimpiya Oyunlarına fevralın 23-də yekun
vurulacaq.