İranın energetika nazirinin müavini: “Tehranla Naxçıvan Muxtar Respublikası arasında elektrik enerjisinin mübadiləsinə dair müzakirələr aparılır”
10 İyun 2012 12:13 (UTC+04:00)
İranla Naxçıvan Muxtar Respublikası
arasında elektrik mübadiləsinə dair müzakirələr
aparılır. APA-nın "Mehr"
xəbər agentliyinə istinadən məlumatına görə, bunu İranın energetika
nazirinin müavini Məhəmməd Behzad bildirib. O deyib ki, hazırda hər
gün orta hesabla İrandan 1500 megavatt elektrik enerjisi qonşu
ölkələrə ixrac edilir. İraq, Əfqanıstan, Türkiyə, Pakistan,
Azərbaycan, Suriya və Livan İrandan elektrik enerjisi alır. Hazırda
bəzi Mərkəzi Asiya ölkələri, həmçinin Ermənistan, Türkmənistan və
Naxçıvan Muxtar Respublikası ilə elektrik enerjisinin mübadiləsinə
dair danışıqlar aparılır. İran bəzi qonşu ölkələrdən elektrik
enerjisi idxal edərək, Türkiyə və Avropa ölkələrinə tranzit imkanı
yaratmaq istəyir".